Valio anie aho (Dadah Rabel)

Mandongilongy tsy mety misinda
Fa zary midongy sy mivindavinda
Ireo maraina sarak’olon-tiana
Toa raho-mitatao manamaloka taratra
Ora-mitraho mihombo ho oram-baratra
Ny toetry ny andro ao am-po mangina

Valio anie aho (2)
Ho manina ianao ’ndraindray
Valio anie aho (2)
Sa efa sondriana ka tsy mahatsiahy

Ny voary manerana mandà ny hitraka
Toa miantso fitserana fa mila tsy ho zaka
Ireo andom-pahatsiarovana
Tsy tiana ho antsoina tsy sandry ialofana
Fa fo sendra voina tsy hay hirakofana
Ka ny fanahy no zary torovana

Valio anie aho (2)
Ho manina ianao ’ndraindray
Valio anie aho (2)
Sa efa sondriana ka tsy mahatsiahy

Manangana avana ny lanitra manga
Mihira fitiavana fa manangasanga any ho any
Ilay olon-tiana
Ny voary mifoha tsy toy ny omaly
Fa tonga tokoa ilay mpamalifaly
Ireo voronkely mihira fihobiana

Fa tonga ianao (2)
Tsy niova f’ilay nahababo
Fa tonga ianao (2)
Ny lanitra mirana ny fo ravoravo
--------