You are here: home > Tononkira > Charles Kely

4 MI (Charles Kely)

https://tononkira.serasera.org/hira/charles-kely/4-mi

4 MI

Andro maraina vao mangiran-dratsy
Ao anatin’ny baka fanariam-pako
Io zandry kely mitsindroka vary
Ny fiara mandalo no reny manako
Ka mailaka ery i zandry
Tsy mba malaina
Asa mangina arahina kalo
Dia fahafinaretany tsy hainy hazavaina

Fa mbola tsy nitapaka akory
Ilay sôlefana
Dia indro fa nitranga sahady
I ngahibe masoandro
Tsy laitra hiafenana intsony
Ilay hazavana
Indrisy anefa mbola tsy azo
Ny sakafo atoandro
Fa tonga ity ny maraina
Vita hatreo ny tohan’aina

Kibo tsy feno, tsy vady manohana
Fantatrareo fa tsinay tsy mba vatsy
Tsy ampy hery hifampitolomana
Very fihinanana mangasihasy
Ireo be sandry no tompon’ny laka
Mandrombaka hatrany ny anjara-karama
Lasany jiaby ny miambina fiara
Sy ny porter ny entam-be ny Madama

Fa tonga mantsytononkira.serasera.org Ingahy be masoandro
Hanapaka hira
Dia ho avy koa ilay fiara
Handroaka an’ity zaoridira
Mangalatra letsy no ratsy
Fa anio atoandro aho tsipazo tapa-mofo
Handraseko an’i ngahy be masoandro
Masaka izay ny nahandro

Masoandro be mitondra hafanana
Fifaliana ho anao manam-bary
Fa sompatra ho anay
Mifanjevo amin’ny ady mosary

Lasa ê tsy mahatsiaro ny lasa
Fa be ny kinasa tsy efa
Izy ê tsy nifidy ny ho eny
Tsy mpirenireny tandremo
Ianao mba niangaran’ny vintana
Ka toy ny kintana an-danitra
Jereo fa raha sendra mandalo
Tsy hoe fahavalo fa akama

Ia ê
Ity fitafiana an-koditro ity
Tsy hary mbola nisolo hatrin’ny ela
Voalaza fa ny 4 Mi
Henatry ny firenena
Ka iza marina ary no diso
Miady seza mandrava tanàna
Mirongatra ny afera masiso
Toa tsy misy lalàna


CHARLES KELY

Hametraka hevitra

Midira aloha

Mpihira : Charles Kely
Mpamaky : 2330
Mpakafy : 0 Ankafizo
Nampidirin'i :
Tamin'ny : 22/01/2007 08:40:26
ID : 4142

Tondrom-peo

Hampiditra tondrompeo