Secrétaire (Charles Kely)

SECRETAIRE

Hala-pijerinao mazana
Tsiky nafeninao fa tsy tana
Mitondra hafanana ho ahy
Voabedy lava aho any am-piasana
Mila ho voaroaka aza aho indraindray
Narovanao foana hatrizay
Tsy dia mazava ny anton’izany
Sarotra koa ny ’ndeha hanontany
Ny asanao heno mantsy sesilany
Fa mpitan-tsoratr’i ngahy Tale
Sady mahay no tsara tarehy
Manam-panahy
Mbola tanora loatra indry
Ka manaitra ny tary
Fiteny miangola misy amin-dry
Toa voajanahary mahalasa ny fisainako
Andro aman’alina ilay tsikitsikinao
Toa tsy namboarina
Hala-pijerinao mazana
Tsiky nafeninao ka tsy tana
Fanantenana ho ahy
Rahoviana ihany vao hisy fotoana
Hahazoantsika irery mihaona
Tsy hisy olon-kafa intsony
Fa izaho sy ianao
Indray takariva aho sendra avy niasa
Ny olon-drehetra efa samy lasa
Izaho niandry andry teo ampitan’ny arabe
Io ingahy Tale fa namonjy ny fiara
Indry nanaraka azy tao afara
Nampandrosoany ianao eo anilan’ny familiana
Roso ny dian’ny tia sy ny tiana
Hidola tsy maika hamonjy fodiana
Hiala hetaheta aloha
Avy eo hitady efitrano handriana
Mbola tanora ihany koa ny talentsika
Vola sy harena ananany
Tsy voavisavisa manana andefo-mandry ihany koa
Fa tsy mba toa antsika
Any izy any napetrany any aloha
Ka mangatsiaka
Fa sekretera kilalaon’i direktera ianao fa tsy ho ahy
Mandehana any ho any
’Zay hala-pijerinao hatrizay
’Lay tsiky nafeninao io hay
Nitondra hafanana aty anatinay
Toa fitsapana mamaivay
Mandehana azafady
Mikisana miala tany
CHARLES KELY
--------