'LAY TOVOLAHY (Charles Kely)

(Nalaina tao amin'ny tononkira.serasera.org)
Valalanina ry lahy ny sainy
Toy ny zaza very teny an-dalam-be
Ilay lalana mody tsy hainy
Sakodiavatra efa ela be
Fa mitselatra ao anaty fo
Toa varatra mipoaka an-tampon-doha
Raha mibanjina
Malefaka fijery
Maso roa baribary manga kely
Joba kely iray mitsiky toa anjely
Dingan-dava iray manao tari-dositra
Toa hazakazaka naraha-tosika
Fijery mitolila te hiery
Efa liana saingy mbola tsy ampy hery

Te hanantona kanefa tsy amporisika
Hiresaka mangina, hibitsibitsika
Sanganehina tokoa ilay tovolahy
Misy hery toa manankana asa lahy
Be fitiavana kanefa toa tsy sahy

Fa nangotraka, nahamay
Misamboaravoara toa tsy hay
Fidoboky ny fony ê !
Efa tsy voafehy
Tinaitra tamin’olo tsara tarehy
Mitamberina ao an-tsainy ny lasa
Ratra vao mafana ka tsy voafafa

Isika tamin’izany ê !
Gagagaga ihany
Mahita tovolahy latsaka tomany
Henjakenjana ny fiainany lasa
Aza mba maha voa ny tenanao fa asa
Zany hoe andefo-mandry nolalaina
Notiavina sy nokarakaraina
No mivadika aminao aty aoriana
Voky lainga avy amin’ireo fianankaviana
Vao nahazo toky taminy ity vahiny
Dia namikitra toa zaza virijiny
Mody adala dia ianao no nomena tsiny
Tohatra fiankarana no mba niantsony anao hatramin’izay
Tinaitra tamin’ny fiara sy trano be iray
Nanjary toa hadino ilay ho mandrakizay
Tsy mitodika miherika intsony
Fa hoe tafajoro amin’ny rihana ambony
Ny zaza tamin’izany ê
Gagagaga ihany tsy latsaka tomany
Lasana vinany


Anefa anie izahay mbola miteny hoe
Ô ry tovolahy, mahereza mitrakà
Alefa ka aza arahina alahelo ê !
Zay lasa tsy nahomby
Ny ho avy indray banjinina
Aza hilaozanao midongy
Raiso ka tendreo ny gitara fa mbola mankafia
Zahay mbola mino tsara
Fa tsy vola eny an-tanana
Tsy fiara, tsy fananana
No entina mamaritra
Ny tena hasambarana
Koloy fa aza havela
’lay hatsaram-panahy manampy
Ny talentanao sao dia very
Ry tovolahy sao dia very
Lakalaka ny fiainana
Tsy afaka hitarainana
Ampy’izay ny fihetrena
Ho diso lalan-dava
Kaloy fa aza avela
Ny mozikanao tohizo
Fa rahampitso dia hisava
Ny alahelo ê ! ry tovolahy
Ny ho avinao jerena
Fa sao hanjary zary hagegena
Raha vao tapitra ny vazo
Dia miverina avy hatrany
Eny amin’ny tavanao ’lay tsikitsiky mamy
Dia hanantona anao
Hifamihina aok’izany
’lay kala bary maso
’lay mangamanga maso toa anjely
Ry tovolahy, ny ho avinao jerena
Fa mbola miandry
Miandry manantena

Dia miverina avy hatrany
Eny amin’ny tavanao ’lay tsikitsiky mamy
Dia hanantona anao
Hifamihina aok’izany
’lay kala bary maso
’lay mangamanga maso toa anjely
Ry tovolahy


CHARLES KELY
--------
Rohy:
Hametraka hevitra
Midira aloha
Momba ny hira
Mpihira : Charles Kely
Vangy : 3482
Mpankafy : 1 Ankafizo
Nampiditra :
Daty : 16/01/2007 09:32
Hihaino

Mbola tsy nisy nampiditra hira

Hampiditra
Tondrom-peo

Mbola tsisy nampiditra tondrom-peo

Hampiditra
© serasera.org 1999 - 2024 - page load 0.072