You are here: home > Tononkira > Charles Kely

Ifarakely (Charles Kely)

https://tononkira.serasera.org/hira/charles-kely/ifarakely

Fa nahoana kay indry ry Fara
No verivery saina toy ny adala
Toa variandriana, miteniteny irery e
Indraindray toa lasa vinany e

Farakely ange ka sariaka
Zazavavy tia mitsikitsiky
Fa tato ho ato ianao ô
Miova ho nasikasika
Tsy tamana firy ato an-tranontsika

Tsy ny lalao vovoka intsony
Na ny lalao saribakoly
No lalao mahavariana anao ô
Fa nanjary jejojejo
Lasa tia mirenireny
Miaraka amin’ireny tovolahy ireny

Sady izay indray ianao
Nahazo lesona vaovao
Amin’ny fito hariva vao miditra ny trano ô
IanTsiky dia ampyao dia zaza bodo
Raha misy fahavoazanao
Dia ny ato an-trano no hahita angano ô

Raha ny bika sy ny hatsarana
No entinao idoladolana
Ho avy eny aminao Rafahasimbana

Aza dia manao hadalana
Sao hanenina rehefa avy eo
Ka hihomehezan’ireo tovolahy ireo

Fomba ahoana indray izao ry Fara
Sao ianao mba mety hahalala
Ny hamerenana indray
Ilay toetranao hatrizay
Ireny anie no mety hahitana ny soa

Izaho moa ve miteny izany a
Tsy hoheverinao ho olona adala
Tsy mba liam-pandrosoana
Fa tavela eo foana
Tsy ho laitra izany ka aleo hangina

Hametraka hevitra

Midira aloha

Mpihira : Charles Kely
Mpamaky : 3975
Mpakafy : 1 Ankafizo
Nampidirin'i : Bitika
Tamin'ny : 28/01/2003 17:06:26
ID : 1422

Tondrom-peo

Hampiditra tondrompeo