RABEKIJANA (Charles Kely)

(Nalaina tao amin'ny tononkira.serasera.org)
RABEKIJANA

Oay ity Rabekijana
Tsy mba mahay lalàna
Zary mihanahana
Mbola an’ivon’ny hatanorana
Mahery ka tomady
Vonona mba hitady ê !
Lavitra fanjakana
Sandry no mba fiasana
Niasa tany, mamokatra mikarama
Mamelo-tena, mizaka fanambakana
Irery Rabekijana ô !

Kanjo tonga ny ahiahy
Saina lasa tsy nahy
Nanao fampitaha
Raha banjinina ny ho avy
Moa ve hahavelom-bady
’lay sakaizan’angady ê !
Hihenony sihosiho
Fa any Antananarivo, maro ny vola
Mitobaka toa tsy ho lany ê !
Fiainana mamirapiratra
Be ny tontolo
Veloma ry ambany volo ô !

Dia mba nangoron’entana
Ho entina miakatra mikarama
Nanagom-batsy dia roso Rabekijana
Tsy zakany intsony ny hiandry ny fandrosoana
Hanantona ambanivolo
Ny fiainany toa hikoro

Tonga, tonga Rabekijana
Tonga teto an-tanàna
Hitady karama
Ny azy mantsy ny vatana
Dia tomady
Asa tsy misy fady
Na anao batilazy ê !
Tsara fanetri-tena ô !
Tsy mba taitran’ny rendrarendra
Nambabo ny fon’ny zanak’i Trema
Dia nalainy fanahy isan’andro ’lay tovolahy
Vahotra fa tsy sahy
Fa kanto sy meva ’lay retsy ’lay joba kely
Malefa-pijery, misarin’anjely
Fa ny azy indray tsy mba vola no maha-ory
Fa ny antsaram-panahy
Ka revo ra-Natacha


Tolorany tsikitsiky eo
Sy resaka feno angola
Mahery vaika tokoa ilay fankam-panahy
Tsy mba laitra resena
Ka babo ny anao lahy ê !
Resin- dRanatacha

Dia manjary nivoaka maraina sy hariva izy roa kely
’Reo asa niaraha-nanao fa tsy niady irery
Feno hasambarana tsy roa aman-tany
Ny fiainan’i Rabekijana
Toa nofiny mantsy izany

Fa tezitra mafy ary koa nisafoaka
Ary ilay patrao raha nandre ny vaovao
Tsy mba nety nanaiky ny tantaran-janany ê !
Entitra ny fanampahany, tsy niandry ela
Ary tsisy alaharo
Fa niara-voaroaka tsy nisy tavela
Ireo mpifankatia
Dia nangoron’entana
Ho entina midina any an-tanàna
I Natacha miaraka amin’i Rabekijana
Fa lalim-paka ao am-po ny azy ny fitia
Ka naleony niara-dia
Mba hiara-miriaria


CHARLES KELY
--------
Rohy:
Hametraka hevitra
Midira aloha
Momba ny hira
Mpihira : Charles Kely
Vangy : 2722
Mpankafy : 0 Ankafizo
Nampiditra :
Daty : 16/01/2007 09:28
Hihaino

Mbola tsy nisy nampiditra hira

Hampiditra
Tondrom-peo

Mbola tsisy nampiditra tondrom-peo

Hampiditra
© serasera.org 1999 - 2023 - page load 0.0696