LASA IANAO NANDEHA (Charles Kely)

LASA IANAO NANDEHA


Tezitra ianao raha vao misy manontany hoe
Iza no anaran’ilay rain-janakao tany
’Zahay mba liana te-hahalala
Lazainao manadala
Rehefa manontany dia hoe mananihany
Fa toetranao hatrin’ny ela ilay masiaka be
Indrokoa moa dia malaza hoe tovovavy tsara tarehy
Tanora teto amintsika sondriandriana taminao daholo
Ny lazondazony aza misy potika sy toro

Tezitra mafy indry rehefa anontaniana
Hoe iza no tokony ho lohan’ny fianankaviana
Nanepoka any ho any karana be vinany
Noheverinao fa tsara
Dia lasa ianao tsy tana
Maika loatra indry, maika ny ho tafita
Tsy misalasala fa dodona raha vao nahita
Leo ny fahantrana, leo ny andraso andraso
Dia lasa koa mba nanandrana
Izay tokantrano maso

Dodona sy maika ianao indray hariva
Raha ahita mpivahiny miambozom-bolamena
Sy mianjaika tamin’ny fitafiana lafo vidy be
Indro kopan-tanana indray mandeha
Avy eny ambonin’ny fiara
Hazakazaka ny anao raha vita resaka
ary tsy ela koa dia vonona ny handeha
Efa lasa nirifatra any ho any
Ilay fiara tongo-droa natao taingin-droa
Ka ny volonao nikopaka no sisa tazanay
Vao mba nisy taratasy nanambara hoe
Veloma ianao ry Dada sy Neny
Fa tafita soa aman-tsara hono Ikalafara
Lavitry ny jaly sentosento sisa ny an’i Dada
Alahelo miavosa ny an’i Neny
I zandry kelinay toy ny zaza
Milalao vovoka irery
Sipa kely be dia be nitsiriritra
Fa ilay zandry kelinay nipitrapitra
’Zany mantsy hono, revy fa tsy ditra ho an’ireo

Nangingina ery ny tanàna
’Zahay nihanahana
’Zahay nangasihasy
Tsy mba nahazo taratasy
Lasa ianao nandeha
Tsy nandalo nametrapetraka ny veloma
’Lay namanao ve nariana
Sa kosa tena nohadinoina
Nangingina ery ny tanàna fa lasa ianao
Nangingina ery ny tanàna fa lasa ianao nandeha
Nangingina ery ny tanàna fa lasa ianao

Tsy hitahita firy ianao tato ho ato
Rehefa harivariva ny andro
Tsy mandeha mitsangatsangana intsony
Toy ireny fanaontsika taloha
Na irahina mividy siramamy sy kafe
Vao maraina aza ianao
Dia mandeha am-pahalainana tokoa
Fa tsy vokatry ny fo
Endratrendratra aok’izany
Raha mahita tovolahy sy tovovavy
Miara-dia an-dalam-be
Mahatsiaro ilay fiarahana hatrizay
Izy ireo nangasihasy raha nahita anao nifindra lasy
Saingy izao, manjary lesona ho anay
Ny fahitana anao miverina eto indray
Sentosento sisa ny an’i Dada
Alahelo miavosa ny an’i Neny
Mahita andry marary
Mitanondrika mitaiza zaza sary
Izy ireo tsy mbola kivy
Fa mihezaka mamita ny adidy
Mankahery sy mananatra hatrany
I kala tokany mitomany

CHARLES KELY
--------