Indro fa nisava ny haizina (Noely) (Antokom-pihira Vetson'i Siona)

I. Indro fa nisava ny haizina
Ka nanjelatra ny tany
'Nefa alina aok'izany
Horakora-pahatairana
No nanako sesilany

Feon'anjely marobe, no nihira mafy hoe
Voninahitra anie, ho an'ny Ray ao ambony
Fiadanana anie ho an'ny olona ety!

II. 'Reo mpiandry ondry teny an-tsaha
Vao nandre ny antsoantso
Dia nahafoy ny torimaso
Ka nitsaoka Ilay mpamonjy
Tao anaty tranon'omby

Teny an-dàlana mankany, dia nihira hatrany hatrany
Voninahitra anie, ho an'ny Ray ao ambony
Fiadanana anie ho an'ny olona ety!

III. Alina masina, miavaka
Io alina io
Ka mba tadidio
F'efa teraka ho anao
Sy ho an'izao tontolo izao

'Ly mpamonjy tena soa, Izay antsoina hoe Jesoa
Voninahitra anie, ho an'ny Ray ao ambony
Fiadanana anie ho an'ny olona ety!

© Vetson'i Siona
--------