Miholiholy (Vahombey)

Maraindraina, mangingina
Velon-kira ny voaàry, mahaliana
Miantso ho tiavina, te-ho tiana

Iry hitsikitsika miriaria
Itsy maroandavaka mikodiadia
Manara-morondranomaria

Injany miholiholy anaty
Feo mozika mamaky ambiaty
Antso Malala sarihan-tsioka
Injao mitrebona toa ambioka

Kisarisary maro mitambolombolona
Kanto, fy ery, tsy hita ho tononona
Atao akory moa, mielatrelatra ny fo
Izao maraina izao, miemponempona tokoa


Tonony sy feony : VAHÖMBEY, septambra 2016?
--------