Hamerina ny anaranao (Romule)

Ory loatra izany foko.
Ory ity fanahiko.

Mibaby lamba mainty
Itony andro hitsahiko.
Voninkazo iray naniry
Hany sisa tombondahiko
No nilofika indray
hampihovitra ny tsiahiko.

Nilofika indray
llay nataoko ho fijorona.
Faraherin'ny fitiavako
Hany sisa hiambona.

Noheverina hitondra
Fanafody fisentoana;
Kanjo poizina nikiky
Teny an-tany famonoana.

Hany sisa holazaiko
Ry nisidina nandao,
Avelao mba ho ato am-poko
Izany alokalokao.

Ny fitiavana tsy ahy.
Ento izany fa anao.
Ny zavatra angatahiko:
"Hamerina ny anaranao."

Hamerina ny anaranao
Eny an'androko maraina.
Hamerina ny anaranao
Eny am-para-fofon‘aina.
Hamerina ny anaranao
Any am-pasana mangina.

Hamerina ny anaranao
Any an-danitra aoriana.
--------