RAVIN-JAVOKA (Lolo sy ny tariny)

Io anie izy avy atsy mivadika avy eroa
Dia mijery fitaratra
Ny fanontaniany mihodina ao an-doha,
Fanontaniana sarotra
Fa nahoana koa (izy re)²
no mahatsiaro ho ratsy tarehy Moa ve
i Jehovah no niangatra
Nahatonga azy toy izao
Novakiany ilay fitaratra
Fa nanome azy sary mankalao, kalalao Mankalao
Sao dia mba ny rainy fony nanamboatra,
No nentin-toaka na mamo
Na ny reniny no tsy nazoto loatra
Tsy nisento na kamo
Dia namboarina izy (1 sy 8)²
zao ireo bandy kely tsy mijery fa mandalo
Dia mitoka-monina
Refa sendra mba mandeha mandihy
Fa tsy misy olona
Mba mazoto hanatitra azy refa mody miantso tody Rehefa mody
Nandramany tokoa ireny maquillage
Sy namboatra volo nanao pilakazy
Nafetany toko ireny lokomena ireny
Nefa toa mandainga ilay fitaratra jereny...
Io anie izy avy atsy mivadika avy eroa,
mangetaheta fitiavana,
mba maniry mafy ny hiara-droa
Na mba hifampitantana
Henika azy indray ny (arabe )²
sy ireo toerana hoe be mpandeha, soa re
nony ela dia nisintaka
ilay tandrifin-drahona efa teo
Fa angamba tsy hamitaka
ity olona iray (fa jereo)3
Zao vao tsapany mangarangarana
ny fiainany maloka
Tsapany ny tsirom-pahasambarana
Ireny izy mampiaraka
Dia nadramany ny (kilalao)²
sy ilay zavatra hafa tsy fanao hatrizao
Kanjo ny fitiavana
lasa nagatsiaka nony lena
Ka tsy tana ilay rangahy
F’izy irery sisa miantso hoe (miverena)3
Nalefany tokoa ireny taratasy
sy ody fitia Na fanafody gasy
‘Zao ny hambom-pony kotsan’ny tomany
Kanefa ilay rangahy tsy te-hahalala izany
Ny zavatra tonga isam-bolana manjary
Toa mandainga fotoana
‘zao izy ratsiana te-hihinam-boasary,
voasary makirana
Marikivy indray no (haniny)²
Mahakivy azy ny (fiainany)²
Toa manenjika ny nenina
Raha mijery ny mason’i Neny
F’efa tsy ho azo afenina
ilay aretina rehefa (kelikely)3
Io anie izy avy atsy mivadika avy eroa
2 volana katroka
Mila ho lasa adala mivadika atidoha
Miongo-bolo mikaroka
Hanasitrana ny (kibony)²
Zay nizihitra tsy fidiny , vidiny
Hadalana izay natao
indray alakamisy hariva izay
F’efa jamban’ny lalao
Diso ny fanisany andro (nihoatra iray)3

Nandramany tokoa re ny ravin-javoka
Somary tanehina
nataony ala nenina
Dimy indray mihinana
irony Nivaquine
Kanefa hatr@ zao toa tsy haninona tsy haninona...
--------