Ramano be Galona (Lolo sy ny tariny)

Ny tanin-dRamano
Dia tany zanatany
Ny tany tamin’izany
Mbola feno zanatany
Ka olon-janatany
No nalefa ampandry tany
Hampandry zanantany

  Nanainga i Ramano
  Tsy afaka nandà!
  Nirongo basy lava
  Nilanja barida
  Nomena fanamiana
  Nangata-pitahiana
  Fa lavitra ny dia

Ady no naleha
Tsy anaovana kinanga
Fa Nitifitra na maty
Nefa olon-janatany
No nifanjevo tany
Ny baiko nankasiaka
Ireo mpanjanan-tany alika

  Naverina  Ramano
  Tsy maty nefa angano
  Ny vanja izay nipoka a
  Nanjanaka ny Lohany
  

Galonan-dRamano
Dia nisy tena izy
Fa nisy mampihomehy
Mampioraka ny ankizy

  Satria kapsily
  Sy fatina bilao
  Mikoritsana eny an-tratrany
  Grady be tsy zakany


Nalevina omaly
Ramano be Galona
Ireo mpananihany
Nanjary nitomany

   Ny tanin-dRamano
   Dia tany zanatany
   Ny tany tamin’izany
   Mbola feno Zanatany
  
--------