Hendratrendatra, toa zatovo zary feno henatra,
Falifaly, tsy mahatombona
Ny eritreritro, misahotaka, miparitaka
Nony nahalala anao,
Ianao endrika baliaka sy mirana,
Dia sahirana aho…

Ilay feonao, toa bhqg mibitsika fitiavana
Ny tontoloko miha-màvana,
Fa nolokoin’ny fiainanao, ny jerinao
Sahy, mahitsy, feno fahatsorana,
Tsy miolankolana,
Mahatorana ahy…

Tsy matory aho, tsy hitako ny atao,
Ny ampitso tiako ho tonga dieny izao,
Mivadibadika eo tononkira.serasera.org fyna ny oran’ny aliko
Ny andro maraina mila tsy ho andriko…

Ka antsoiko ve, sa andrasako,
Ny bitaky ny foko injao tsy tantiko?
Te ahita anao aho rahavako,
Rakotra anao ny fanahiko!

Dia ataoko ahoana ary ity izaho
Zary tonga sento lavitra anao?
Ny aingam-panahy no tsy tànako,
Nahavitàko hira ny tantarako!


Tonony : Lalatiana Rajaofara
Feony : Rija Randrianivosoa / nzaw Lalatiana Rajaofara