FONY ISIKA (Dadah Rabel)

Fony isika vao niara-niainga
Nifanome toky fa tsy hifandainga
Ka na lava ny dia na ho fohy
Hiray lakana, hiray fivohy

Kanjo noho ny mba sendra tafihotra
Dia rendrika tsy afa-mihoitra

Hay ve fitia rary fotaka?
Tsy natao hateza fa hiotsaka
Tsy aharitra ny orana mirotsaka.
Fa nadio ve ny rano nitana?
Nahazo morony ianao dia lasàna tsy tana
Sa voasedra ireo mafy niharitra?
Dia lasàna ianao satria tsy naratra

Sendra nianjera ianao no niantso vonjeo
Noho ny tafariko dia lasa toa tsy teo

Hay fitia mody midoroboka
Fa ny fakany efa zary boboka
Ts'hita aretina raha tsy efa nidoboka

Ny hanim-pitoloha noho ny lasy iray lovia
No mba any vatsy koa noho ny zary nanify
Ny tafo koa no ny tsy naharo tamin'ny orana
Ny rovi-dambako toa ny tsy ampy nisalorana

Dia lasa ianao  nirintona moramora
Sady nandatsa no mbola nanakora
Hoe ny ory anie tsy havan'ny manana
Paosy feno anie no asiana tanana
Fa tsy ianao kay, no tena fiadanana
--------