Tsiahy (Solo)

Toa fenomanana indray ny andro etý
Tsio-drivotra mitsoka mora
Avy any alavitra
Ka lasalasa tokoa ny eritreritra fa
Mahatsiaro ireo taloha

Feom-boronkely sisa re, manako ao
Mikarantsana, milaza fa
Ity takariva ity
D’efa natokako ho Anao
Tampotampoka teo, toa tsy nampoiziko

Ka ireny kintana manjelatra ahatsiarovako
Ilay teo anilanao
Dia arangaranga tsisy henatra handrara ny fitia
Vita sy natao

’Zay feon-kirako izay, rahavako
Feon-gitara sy lokanga soa,
Ary feom-baliha koa
Mba ahatsiarovanao ahy, ka hijanona am-po
F’izay no hirantsika roa

Ka ireny kintana manjelatra ahatsiarovako
Ilay teo anilanao
Dia arangaranga tsisy henatra handrara ny fitia
Vita sy natao
--------