Fanekam-pinoana (Solo)

Nahoana ny maso no tsy hanganohano
Raha sendra alon-drano
Nahoana ny saina no tsy ho valalanina
Raha sangodim-panina
Mahery mahamay no hitsapana anay
Ry Tompo Rainay

Nahoana no nahoana no tsy ho torovana
Raha sendra fahatsiarovana
Nahona no nahoana no tsy ho adaladala
Raha zanaka malala
Tiana sy lalaina no indro re nalaina
Mbola vao maraina

Kanefa Raiko ô!
Izato hirako izay asandratro izao
Tsy sanatria tsy hatotry
Ho faniriko Anao

Fa maika hanolorako indray aminao
Ilay manda vaovao
Ny herin\\’ny finoako
Tsy mbola miova loko
Satria mino aho fa ilay velomanay
Dia mandram-pihaona ihany
Satria mino aho fa ilay velomanay
Tsy ho mandrakizay

Mpihira : Solo - Tonony sy feony : Haingo
--------