Misosa mankaiza (Ny Nanahary)

Misosa mankaiza e (2)
Misosa mankaiza zany dia
Ho tody va re sa hikodia
Mipetraka izao ny fanontaniana
Sady efa mangarika ireo tsy tia ho aho
Misosa mankaiza e e e

Lazaina isan’andro dradraina mihitsy
Fa ny Malagasy tsy mandohalika
Kanefa zareo raha ny zava-misy
Tadiavin-dry zalahy hivaloharika
Misosa mankaiza e e e

Ireo mpanam-bola manjakazaka
Ny tompon’andraikitra mivanaka
Ny mpanao pôlitika zay lany era
Misy variana manao afera
Kiantranoantrano any rehetra any
Dia mahamenatra be ihany ho aho
Misosa mankaiza e e e

Mitombo isa ny fahavalo
Mpangarom-paosy ary koa ny dahalo
Mpangala-bady, mpanamin-trano
Izay tratran’izany hidiran’angano
Mahandrasa kely fa demain
Ny operation coup de poing
Misosa mankaiza e e e

Ao ireo mpiasa birao
Sahy manohitra fotsiny izao
Indrindra koa ireo voafidim-bahoaka
Misy ratsy manao be fandraoka
Soa ihany fa tsy izy rehetra
Fa raha tsy izany tena kôzy voretra
Misosa mankaiza e e e
Mahandrasa kely fa demain
Ny operation coup de poing
Misosa mankaiza e e e

Voakitika ny mpiasam-panjakana
K’izay voadona mihanahana
Ny heloka vita dia ngeza be
Raha manan-kavana pata be
Na mahitahita sy be kle
Dia mandeha ho azy io ramose a
Misosa mankaiza e e e

Manefa malefaka dia plisy
Ikoto ao anatin’ny service
Rehefa jerena dia mahakivy
Fa mibadabada be rarakivy
Ny tatitra miakatra 5/5
Fa ny zava-bitany moins 5
Misosa mankaiza e e e
Mahandrasa kely fa demain
Ny operation coup de poing
Misosa mankaiza e e e

Misosa mankaiza zany dia ho aho
Misosa mankaiza e e e

Rehefa sendra ny aretina ka mijaly
Voatery mba hiditra hôpitaly
Raha manantena ho andrianina
Tsy maintsy manomana vola ho an-dry anona
Raha tsy nahita aho dia tsy nino
Raha tsy mahafantatra olona ianao dia adino a
Misosa mankaiza e e e

Zay manam-bola ka tsara vatsy
Manantena ho sitrana atsy ho atsy
F’izay kely vola sy kely vatsy
Angamba dia hanomana vatam-paty a
Misosa mankaiza e e e
Misosa mankaiza zany dia ho aho
Misosa mankaiza e e e

Ny fanampiana ny tra-boina
Miainga any am-potony dia voadona
Boatin-drononon’ny zazakely
Atao risoriso eny an-tsenakely
Ka aiza sy aiza randrematoa
Fa ny komity no voky aloha
Misosa mankaiza e e e

Ny fanampiana dia mahavariana
Fa toa tari-drano eny ankilaila
Ny mania no betsaka noho ny tody
Fa lanin’ireo tsy mataho-tody a
Andraso kely fa demain
Ny operation coup de poing
Misosa mankaiza e e e

Ka iza ary izao no omena tsiny
Rangahy iry sa ny vahiny
Raha tsy ampy ny vokatra tsy izy akory
No hamboly tsako sy voanjobory
Na hampakatra sotro ao am-bavanao
Ka raiso ny angady, ny asa atao
Misosa mankaiza e e e

Fa avadika kely ary izao ny tafa
Koveta talesaka no sahafa
Misosa mankaiza e e e

Ilay nanantena hanankarena
Ny volany saika hividianan-kena
Indrisy (2) nampalahelo
Fa nitsatoka tao amin’ny tsabo telo a
Misosa mankaiza e e e

Fa tsy ampy fiheverana koa ry dada
Vao mahazo vola dia toaka lava
Efa hidiran’izay angano
Tarafin’ny andro dia efa mamo a
Misosa mankaiza e e e

Dia misy ihany koa ny ray aman-dreny
Manao antsirambina izy ireny
Fa nalefa nianatra re ry Ikoto
Kilaoty amin’izany malotoloto
Ary raha ny fitaovana no jerena
Marina moa tsy mampahonena
Fa efa hisasaka re ny taona
Ny kitapon-janany mbola foana
Misosa mankaiza e e e
Fa izy tsy hiala amin’ny vazom-boana
Misosa mankaiza e e e
Ny zaza amin’izany efa tena noana
Misosa mankaiza e e e

Fa nimpingampinga nandray karama
Ilay ramose sy ilay madama
Kanefa ny asa ao an-dakilasy
Mampihemotra ny zaza malagasy a
Misosa mankaiza e e e

Ny lazaolana lavabe
No apetraka amin’ny solaitrabe
Avy eo amin’izay dia mitango resaka
Ny zana-bahoaka no apetrapetraka
Amin’ny fakan-drivotra elastika
Mba hiresahana politika
Misosa mankaiza e e e

Ny alatsinainy mandeha miera
Fa maika hamonjy ny dokotera
Paika sy tetika tsy atoro
Ny tanjona repos trois jours
Misosa mankaiza e e e

Miera kely aho ry ingahy tale
Fa misy làlana mba aleha
Miverina indray ny alakamisy
Dia efa milaza ho marary nify
Ny sabotsy dia mody aloha
Fa marary mafy hono ny an-doha
Misosa mankaiza e e e

Fa ireo tsy miera mandany vola
Ianao mampiaraka sy midola
Ny fianarana ambinkambiny
Rehefa adinina nefa rambony
Dia manantena fa rahampitso
Ho afaka bac amin’ny risoriso
Misosa mankaiza e e e

Indro fa lasa nankany Ankatso
Tsy lasan-davitra dia nikatso
Tsy miafiafy amin’ny lamaody
Lany ny bourse, diso kaonty a
Misosa mankaiza e e e
Mahandrasa kely fa demain
Ny opération coup de poing
Misosa mankaiza e e e

Fa misy milaza ho mahavita azy
Miteraka fito lahy, fito vavy
Ny tany koa vitsy sarim-bavy
Mpitolona tena mahavita azy a
Misosa mankaiza e e e
Kanefa tandremonareo Rabary a
Misosa mankaiza e e e
Fa ry lerony no mamboly vary a
Misosa mankaiza e e e

Ny siramamy sy ny savony
Ireo no miteraka lonilony
Lafo be ny dentifrice
Ka mila ho mavo lehiroa ny nify a
Misosa mankaiza e e e

Ny savony gasy dia mampanahy
Fa misy voanina zavokà
Ilay nilaina mba hampamandina
Mety hiteraka vay an-kandrina
Ny savony fotsy matsoratsora
Fa ataon-dry zalahy be jabora
Misosa mankaiza e e e

Velon-taraina ilay ramatoa
Fa ny fiainana mafy moa
Ny mpivaro-bary mangala-patra
Ka mandray ny kihony izay tsy zatra
Ny mpivaron-kena mangala-danja
Ny zaza tinaiza milangalanga
Ny vady ao an-trano mijangajanga
Misosa mankaiza e e e
Mba hahavokatra ho'aho ny manga
Misosa mankaiza e e e

Nahitan-doza mampalahelo
Tanana no hamafana lelo
Asaina miasa mivalaketraka
Hihinana nefa mitalapetraka
Manao ari-zato am-pandriana re
Avy eo izy mameno gabone ho'aho
Misosa mankaiza e e e

Nahitan-doza mampalahelo
Tanana no hamafana lelo
Asaina miasa mivalaketraka
Hihinana nefa mitalapetraka
Manao ari-zato am-pandriana re
Avy eo izy mameno gabone
Oouuh!
--------