Izany no fiainana iainana aty (Lolo sy ny tariny)

Nananika ny tohatra sy havoana marobe
Nitety lohasaha nanaraka arabe aho
Izay vao tonga e!

  Nanangona ny ora ho lasana andro maro
  Nanangona ny andro ho lasa taona maro aho
  Izay vao tonga e!

Sarotra ny làlana mitondra ampiadanana
(Mitety Lakilasy sy mandrovi-pataloha
Eny ambony dabilio a!)2
ha!ha!ha!ha!
ha!ha!ha!ha!

  Ao ampaosiko ao kanefa misy Bibilava
  Bibilava ngoza be Bibilava noana lava
  Tsy ho voky

Nisy ireo nijanona nanambitamby ny azy
Ka ny fianarana nanjary vazivazy
Ka tsy tody

  Tsemboka ny andrina vao mba nihinankanina
  (Nanao batilazy sy nandrovi-pataloha
   Teny antsisin’ny arabe)2
  he!he!he!he!
  he!he!he!he!

[(Izany no fiainana hiainana aty)2
Fiainana mifono Taratasy]bis
(Taratasy mankany aminay)2
(Feno soratsoratry ny olo-mahay)2
Ka mandidy (tsy refesi-mandidy)2
hi!hi!hi!hi!
hi!hi!hi!hi!

  Misy anefa ireo tsy mba nianatra firy
  Tsy mba niezaka tsy mba nikiry
  Dia tafita

Niandry ny (Dada)2ny ho faty
Niandry ny (Neny)2ny ho faty
Dia tafita

  Miandry ny lova be tonga ny lova be
  (Nandihindihy nandany vola
  Any anaty Trano be)2
  he!he!he!he!
  he!he!he!he!

[(Izany no fiainana hiainana aty)2
Fiainana mifono vola taratasy a!]bis
(Vola taratasy tsy anananay)3
Fa lafo vidy (fa tena lafo vidy)2
hi!hi!hi!hi!
hi!hi!hi!hi!

  Nananika ny tohatra sy havoana maro be
  Nitety lohasaha nanaraka arabe aho
  Izay vao tonga e!
--------