Felaka Raozy (Hamy)

Misy ho voafelaky ny raozy androany
Noho ilay efa fantatrao angamba
Mety ho voafelaky ny raozy izahay
Satria lazaina fa mandika lalana...

Ny masonay sisa afaka nifanaiky
Ny ankoatr’izay tsy azonay natao
Dia nifangalatra sombin-tsiky teny
Satria mety anisan’ireo mibedy ianao…

Satria ny anaran’i dadanay i Ralay
Ny azy kosa Farouk Alibay
Nefa i Rafika miara-milalao amin’i Lova
Fa i Fatima sanatria tsy hifampitatana aminay...

Voafelaky ny papany amin’ny raozy hono izy
Raha manaonao an’izany
Fa raha ny fony no henoiny
Efa lasa lavitr’izahay omaly...

Omaly izahay no niara-nihomehy farany
anio tonga maraina naka ahy teo ireo zandary
satria ny anarako no teo amin’ilay taratasy
norotsahin-dranomaso foy izy namoy ny ainy...

Ny masonay sisa afaka nifanaiky
Ny ankaotr’izay tsy azonay natao
Satria tsy nety niova ny tontolo iainanay
Dia naleony, naleony nandao...
--------