Ingahy manana (Hamy)

O ry ingahy manana e! Tsinjovy izahay fa tsy fahavalo
Fa mpiray tanindrazana e! Te ampandroso an’i Gasikara…

Hatrizay ialahy tany an-tanana foana
Tsy mba nararirary na koa hoe noana
Izahay nia-lehibe taty @ karakaina
Matetika ny kaly dia vitan’ny vary maina…

Ny mpianakavy raha kely, dia sivy isan-trano e!
Ny ankizy tsy nandia sekoly fa namboly o!

Nefa isika samy Malagasy ihany
Fa ny tany diavina no tsy mitovy
Ialahy mitsiky dia izaho miafy hatrany
Ara-jeografika ve no mahatonga izany?

Sa ny politika no mametra e!
Ary izahay voatokana ho voatsetsitsetsitra o!

O ry ingahy manana e! Tsinjovy izahay fa tsy fahavalo
Fa mpiray-tanindrazana e! Te ampandroso an’i Gasikara…

Na fotsy loha na ngita koa
Dia samy malagasy rehefa tsy vazaha
Na malama volo na hoe mainty koa
Kara-panondro ihany no ahitana fa…

Tsy senegaly na karana e!
Taranak’i Levelo na Ratovo o!

O! mba fantaro ry ingahy Filoha
Fa ho an’i Gasikara izahay tsy mba mitodi-doha
Raha mahitsy ianao tohananay hatrany
Fa raha vao tsy milay, izahay tsy hianahana

Nefa tsy rotaka na koa kalaky no ataonay fiady e!
Fa gitara sy soratra, no ataonay solo-kifafa o!

O ry ingahy manana e! Tsinjovy izahay fa tsy fahavalo
Fa mpiray-tanindrazana e! Te ampandroso an’i Gasikara…
--------