Dia nataoko hira (Fanja Andriamanantena)

Dia nataoko hira avokoa ny fiainanao
Tsy nierako, fa nataoko tsotra izao
Kanjo nony vitako izany
Dia nanjary hita teny ihany
Fa tsy dia mifankaiza
Amin’izay fahita hatraiza hatraiza
Isan’andro, isan’andro

Fa io fiainanao io no nakako
Tononkira hitantarako
Izay fahita sy fandre
Isan’andro, im-be dia be

Dia nataoko hira koa izao tontolo izao
Dia nakako tononkalo vaovao
Kanjo vao nohiraiko vetivety
Dia nanjary hita fa tsy mety
Fa tsy dia mifankaiza
Amin’izay fandre hatraiza hatraiza
Isan’andro, isan’andro, isan’andro.
--------