TSY RARINY (Tselatra)

Tsy mba rariny kosa re!
Raha zavatra tsy natao no hitondrana ny mangidy
O!mijaly tsy manan-tsafidy
Aiza re ny mazava ety?
No fijerin’olombelona kely fitia,
no manjaka hatrany hatrany
raha maro ny ontsa sy tomany

Mba rahoviana
no hanjaka ny marina
ka tsy hisy intsony ny hosolafaka
Mba rahoviana no hanjaka ny tena fitia
ka tsy hisy intsony ny mpihatsaravelatsihy

Mahonena tokoa indrisy
fa misy sahy manitsinitsy
manendrikendrika tsotra izao
ny zavatra tsy vita tsy natao
Maro isika mpivahiny
voafingana nianjera ka marary
diso anjara dia mitantara
very ny hoavin’ny dimby sy fara

Tsy mba rariny kosa re!
raha izy foana no atao hijaly é!
hitondra ny zioga mandrakizay
fa tsy mba hanana ny tena rahalahy
Aiza re ny marina ety
no fitsaran’ny nofo kely fitia
no manjaka hatrany hatrany
ka maro no ontsa
lavo nandao ny tany
Mba rahoviana no hifarana ny endrikendrika
ka tsy hisy intsony, ny higadragadra foana
mba rahoviana no hanjaka ny tena fitia
Ka ho foana daholo ny mpihatsaravelatsihy?
--------