Misy andro (Tselatra)

Misy andro maloka mangatsiaka
Rakofan-draho-mainty tsy hibaliaka
Misy andro manjombona sy mahonena
Vao nihiran-tsaina nefa dia nianjera
avia(2) isika anie
hifampitantana hiara-dia re
avia avia isika androany
itady itady ny marina hatrany
Misy andro manontany tena
Nahoana no hanompo vola sy harena
Fa ny omaly ihany no mbola androany
Nangoninao tety tsy manaraka anao any
mba avia avia isika andeha
hivavaka hifankatia be
avia avia isika androany
hanarakany tsara sy mamy
Ka aza tsindrina ny olona mahantra
Fa mba jerijero ny ady tsy ombi tratra
Doro atidoha adabohy fa tsy soa
Mpiray tanindrazana soavina mialoha
Mpiray tanindrazana tiavina tokoa
ka avia avia isika re
fa tsy fiainana ny mafy ady lava ity e
avia avia isika androany
hifanolotra ny mofo tsy lany
Dia aza variana mitsetsitra foana
Hitady voninahitra mandavan-taona
Ka angoro-karena fa olo-tia-tena
Mba zarazarao ny vokam-pirenena
avia avia isika handeha
hiaraka hihira hivavaka be
avia avia isika androany
hiara-dalana ho any lavitra any
Misy andro maloka mangatsiaka...

Erick
--------