Akanim-pahoriana (Rebika)

Nakimpiko ny masoko
Naleoko nangina
Namisavisa irery
’Ty akanim-pahoriana, nilaozanao!

Ranomaso nikoizana
Niantsoko anao : modia!
Fa nandry am-piadanana
Tsy tàna intsony ety.
Mafy anie fa atao ahoana moa!

FIV : Vahiny ianao ka dia lasa nandao
        Ala-nenina izay natao
        Fa mpindrana aho ka nilaozanao
        Malahelo aho fa namoy mandrakizay

Alin-dava sy ririnina
Manamaizina ny foko
Tsy eo ianao ho fihinina
Ka ny nofy no nantsoiko, nefa dia…

Tsy foana ny tsiaroko
Toa sarim-piainana ato anaty
Vao maika namoha
Ny alahelo fota-mandry
Mafy anie fa atao ahoana moa!
--------