Complet (Rebika)

(Nalaina tao amin'ny tononkira.serasera.org)
Raha toa tsy afa-po tamin’ny vita rehetra hatrizay ianao
ka mihevitra indray ny hanorina lasy vaovao
Efa leo ny fahoriana sy ny tsy fananana.
Ka ndeha ho any lavitra any hitady fiadanana
Izay no hany mba takatry ny ati-dohako
Fa ny zava-katsahin’ny lohanao no tsy voako...
Raha toa tsy tamana intsony ianao mandehana re
Mahazoa ngahindriana mikapa sady micomplet
Aza asiana eritreritra ny amiko fa tsy maninona
Izay hahazoa ny fiainanao re banjinina o...

Mbola maivana sady tsy ampy angamba ny fisainako
Ny ahy irery aza moa tsy ho zaka, mainka fa ny antsika roa
Nefa ianao dia te hifaninanan tahaka ny olona
Ts’isy tsiny rahavako aleo aho hionona
Ts’isy nateraka hanana na natao hiangaran’ny ngidiny
Ny sasany manan-takaitra aza efa tsy fidiny.
Aoka hatrehiko ho ahy samirery ny fiainako
Fa ts’isy boka herintaona raha lehilahy koa
Samy mandia tany k’aleo samy hijinja ny asany
Miloloa lanitra tsimaintsy lena no anarany.

Miala tsiny raha toa ka tsizarizary ny fiainantsika
Azafady raha toa ka tsy tazana koa ny andro mibaliaka
Fa ny kintana tsy azo samborina na hofihinina
Andriamanitra no nanome f’izaho tsy nambinina
Soava dia mahereza akia mahazoa ary mazotoa
nefa tandremo ihany lahy ny manao kitoatoa
Ny tody tsy netin’ny fo tsy misy anenenana
Fa ny efa nandratra no fady raha iverenana
Fantatro ianao fa fetsifetsy sy maranitra
Ka isaorako anao be dia be ho tahin’Andriamanitra.
--------
Rohy:
Hametraka hevitra
Midira aloha
Momba ny hira
Mpihira : Rebika
Vangy : 11682
Mpankafy : 1 Ankafizo
Nampiditra : Mary
Daty : 14/12/2001 10:11
Hihaino

Mbola tsy nisy nampiditra hira

Hampiditra
Tondrom-peo

Mbola tsisy nampiditra tondrom-peo

Hampiditra
© serasera.org 1999 - 2024 - page load 0.0721