Miredareda (Rebika)

Miredareda loatra ato am-poko
Mafy ilay fitia
Fa na izaho na ianao manan-tompo
Nefa mifankatia

Fa lalim-paka tokoa
Fa isika roa indray no iray fo kokoa
Noho ireo tompon-toerana, ireo
Sanatria tsy hoe hankaleo
Nefa taman-trano izay ho leo

Mahery vaika sy masiaka
Ny fitiavantsika tsy ho ritra
Asa lahy hoy aho ny ho vokatr’izao

Ny vokatra efa voaoty no mamatotra
Ny tokantrano tsirairay
Isika tsy hifanome toky satria sarotra
Ny fiarahana hatrizay

Miotrika diso masaka anaty
Inoako fa tena mandra-maty
Ilay fitia izay nangalarina
Mahery vaika tsy haiko oharina
Mafonja loatra marina,

Nefa anie isika roa tsy ho mpivady
Fa efa samy manana ny azy
Asa lahy hoy aho, ny ho vokatr’izao

Dia ilay vadinao andefomandry
Sy ny ahy koa, samy miandry
Fa samy mahalala tsara
Ny fizotry ny tantara
--------