Mihevera (Ny Antsafia)

1-Maro ireo voafitaka etsy sy eroa
Tsy mahalala izay tokony hatao
Tsy amin’ny fo madio sy saina vonona
No andehanany ao am-piangonana

Ao koa ireo manao vonjy tavan’andro
Tsy marisika amin’ny tokony atao
Mivava-bava poana, tsy mandeha raha tsy hanao
Fety, Krismasy, taom-baovao

Fiverenana:
Mihevera tena ianao
Ialao ireo toetra ratsy fanao
Tandremo fa ny Tompo anie mahita anao
Ny vavaka tsy atao kilalao

Fa mbola tsy tara ianao
Raha miova làlana tsara sady vaovao
Havaozy indray ny fanoloran-tenanao
Fa izany no ilainy aminao

2-Fantatro fa tena sarotra aminao
Ny miala amin’ny efa fanao
Tsarovy fa ny TOMPO anie dia tsy mba mandao
fa vonona IZY handray anao

Aza dia manahy na matahotra ianao
Ny hanatona Azy anio izao
(Fa) na mena toy ny jaky aza ny fahotanao
Hofotsiny toy ny oram-panala
--------