Fony mbola zaza (Nono)

Fony mbola zaza isika
Raha nilalao kanety aho
Teny ambody rindrina
Dia efa tia anao
Fitiavana madio (2)
No nandramako nomena anao
Nefa tsy niteny !

Nony taty aoriana anefa
Nisy namako izay
Nilaza taminao fa
Haka vady anao
Dia iny ianao no lasa
Dia iny ianao no tsy hita
Veloma ihany sombin’aiko
Veloma ihany !

Tsy naharitra ela anefa
Vetivety ihany
Dia iny ianao nilefa
Nitomany
Nigogogogo, nigogogogo mafy ery
Dia nilaza indray fa hoe
Ianao no tena tiako !

Tonga ary izao ny andro
Ampiakarako anao
Jereo fa tonga ny vahoaka
Hanotrona anao
Akanjo fotsy izay
Voaly fotsy iray
No natolotro anao mba
Hisaloranao

Tsy naharitra ela anefa
Vetivety ihany
Dia iny ianao nilefa
Nitomany
Nigogogogo, nigogogogo mafy ery
Dia nilaza indray fa hoe
Tsy ianao no tena tiako !

Nigogogogo, nigogogogo mafy ery
Dia nilaza indray fa hoe
Tsy ianao no tena tiako !
--------