Saotra sy dera (FIFOHAZANA)

1 Saotra sy dera no asandratray
Mba ho Anao Andriamanitra ô
Fa ainao no nanavotana anay,
Famindram-po no namonjena anay!
Mba raisonao, ry Ray,
Ny saotra atolotray
Ho voninahitrao mandrakizay

2 Jesosy ô, henoy ny vavakay
Ataonay amin’ny Anaranao
Omeo hery ho enti-manao
Ny asa eo an-tanimbolinao
Anao ny asa atao sy ny iraka hanao
Ka raiso re ho voninahitrao

3 Fanahy ô, tarihonao ‘zahay
Sao dia very an-dalana indray,
Fa tano mafy hanaraka Anao
Ka aza avela hiala Aminao
Irinay fatratra ny mba ho sambatra
Sy ho finaritra mandrakizay
--------