Ilay tany nihaviako (Feo Gasy)

Rako-javona vao maraindraina zareo
Itony lemak’Ikopa
Fendrofendro mameno ity fo mitoreo
Ranomaso mirotsaka
Mbola lavitra mantsy ilay tany fodiana
D’ilay tany niaviana

Ngolingoly ao anatiko ao
Lavik’avana aty mora mankalao ry nao
Fa lavitra anao
Misoko miadana tsy mamela
Hery miafina iray tsy hay resena ry nosy
Fitiavako anao

Ndeha hody aho
Ho ento aho ray tongotro
Tsy aharitra ela intsony aho
Dia hikopaka

Taratr’andro osa osa miloko
Embonembona
Tampon’Ankaratra
Vezivezy tsy mety mitombona re
Ny ahiahy lasa lavitra
Sasa-mievina ireo lavi-tiana ry nao
Tsisy vovoka atao kilalao


Erick Rafilipomanana (Erick Manana)
--------