O isa e! (Feo Gasy)

Ô isa e! Ô isa a!
Isak’izay mahatsiaro anao dia malahelo o!

Ô roa e! Ô roa a!
Rohizan’ilay olon-tiako any aho ka tsy afa-miala e!

Ô telo e! Ô telo a!
Teneno amin’ny ratsy efa vitako aho fa mbola adala e!

Ô efatra e! Ô efatra a!
Hanafarako fara-mandimby izay tsy mahalala e!

Ô dimy e! Ô dimy a!
Diniho amin’ny Soratra Masina aho fa hanambady e!

Mmmm! Mmmm!
Diniho amin’ny Soratra Masina aho fa hanambady e!

Na tsara tarehy aza ianao o!
Ka tsy ao aminao ny fanahy
Akoso-bolamena
Mamiratra jerena
Na tsara tarehy aza ianao o!
Ka tsy ao aminao ny fanahy
Akoso-bolamena
Mamiratra jerena


Ô enina e! Ô enina a!
Tsy manenina alohan’ny ratsy any aho fa azafady e!

Ô fito e! Ô fito a!
Fitiavana mahay mifanaja ho’aho no tsara indrindra o!

Ô valo e! Ô valo a!
Hivalozan’izay ratsy vitako aho fa ’ndrao mandratra e!

Ô sivy e! Ô sivy a!
Tsy ho kivy amin’ny fanantenako re fa manantena o!

Ô folo e! Ô folo a!
Efa folaky ny ankehitriny any aho vao hitanao o!

Mmmm! Mmmm!
Efa folaky ny ankehitriny any aho vao hitanao o!

Na tsara tarehy...

Ô isa e! Ô isa a!
Isak’izay mahatsiaro any aho dia malahelo o!
--------