Jôsefa sy Maria ô (APF Amboaram-Peo Fiderana ekar anosizato andrefana)

1- Jôsefa sy Maria ô! Ndreto izahay zanakareo
Mitalaho sy miangavy anareo, hitondra izao vavakay izao
Jôsefa sy Maria ô! Omeo anay ireo toetra soa
Nitaizanareo ilay Zokinay, tany Nazareta

Jôsefa ô! Maria ô! ô!
Ny fandeferana, ny faharetana
Jôsefa ô! Maria ô! ô!
Ny fiantrana sy ny fanetren-tena
Tany Nazareta


2-Jôsefa sy Maria ô! Ndreto izahay zanakareo
Mitalaho sy miangavy anareo, hitondra izao vavakay izao
Jôsefa sy Maria ô! Omeo anay ireo fomba soa
Nitondranareo lay tokantrano Masina, tany Nazareta

Jôsefa ô! Maria ô! ô!
Ny finoana, fanantenana koa
Jôsefa ô! Maria ô! ô!
Ny fitiavana tsisy fetra sy madio
Tany Nazareta


3-Jôsefa sy Maria ô! Raha ho tonga ilay fotoana
Handaozanay ity lohasahan-dranomaso fa vita ny fiainanay
Jôsefa sy Maria ô! Tantano ny zanakareo
Hiara-tsambatra aminareo sy I Jesoa, any an-danitra any

Jôsefa ô! Maria ô! ô!
Ny fivalozanay, famelan-keloka
Jôsefa ô! Maria ô! ô!
Entinareo ho eo anatrehan'I Jesoa
Any an-danitra any (3)
--------