Raha valiana tambitamby (Wilson Rasamoelijaona)

Raha valiana tambitamby
Izany senton’olon-tiana
Ndeha ange hanao fanamby
Fa mivitrana iny hangina

Tsy mba kapoka mandrivo
No anafaizana malala ô
Fa safosafo no tsiahivo
Hampahendry ilay adala

Ny ditran’ny olon-tiana
Dia tsora-kazo mangidy
Fa tokantrano fihafiana
Ka ho ekena an-tsafidy

Ranomaso sy fitserana
No mazàna mila akisa
Fa tsenao fandeferana
Fa hanjary ho paradisa
--------