TSY NENIKO NEFA (Vola sy Noro)

(Nalaina tao amin'ny tononkira.serasera.org)
Nifankatia tokoa, nahay niara-droa raha izaho sy ianao
Toa voamaso roa, iray vatana sy loha raha izaho sy ianao
Iza no nanampo fa hoe mbola hikoa, hikoa toa izao
Ilay rova soa izay niombonako taminao

Tsy neniko nefa lala ô ny nitia anao
Nafonja sy ngeza na dia kilalao
Voaloham-pitia toa ireo nofy tsara
Rava satria tsy mbola anjara

Hira sy feom-baliha, nahay niara-dia raha izaho sy ianao
Salanitra ery, nidola samy tia raha izaho sy ianao
Kanefa tsy hitahita, hay vary niha-ritra lay fitia toa kamory
Niaraha-nilomano ’lay voronkely mamo resin-tory

Tsy neniko nefa ...

Nazoto nifanjohy toa tsy hifankafoy raha izaho sy ianao
Sahala siasia, nitovy karajia raha izaho sy ianao
Kinanjo tsy nitohy, tantara fohy dia fohy toa tsindriandrian-jaza
’Lay santatra malala, ’lay sarina adala lany manta

Tsy neniko nefa ...


Tonony sy feony: Paul Dason
Nandrindra: Harry
--------
Rohy: https://tononkira.serasera.org/hira/vola-sy-noro/tsy-neniko-nefa
Hametraka hevitra
Midira aloha
Momba ny hira
Mpihira : Vola sy Noro
Vangy : 10707
Mpankafy : 0 Ankafizo
Nampiditra : hertix
Daty : 27/02/2006 18:13
Hihaino

Mbola tsy nisy nampiditra hira

Hampiditra
Tondrom-peo

Mbola tsisy nampiditra tondrom-peo

Hampiditra
© serasera.org 1999 - 2023 - page load 0.0809