Hitety fotoana (Skaiz)

(Nalaina tao amin'ny tononkira.serasera.org)
Satriko averina ny fotoana
Hamafako izay ratranao
Nefa toa tsy haiko hoe : atao ahoana ?
Fa toa manery ao anatiko ao
Ao fa zakaiky e,
Ireo izay enta-mavesatrao
Ilay fonao no ilaiko re
Hibitsika mangina hoe : tiako ianao

Iza moa no nana-po
Fa hiara-dalana isika roa
Raha fantatro tany ampiandohana
Ianao koa ve nahalala
Hoe isika hifananki-po

Ref :
Ho tetezintsika roa ireo fotoana na mangidy io na mamy e !
Tsy avelatsika roa hisy iray minitra io na iray segondra ho lany e !
Ireo mpanenjika odintsika jamba
Izay mila ady eo ataontsika atamba e !
Ka na inona na inona hitranga
Ny lanitra ho lokointsika manga e !

Asa raha mba tsaronao io  ve ?
Ilay kilalao fanao taloha
Na mbola zaza àry isika roa
Dia efa mpivady e vady e !
Asa raha mba tadidinao ve ?
Ilay oroka voaloha
Miraikitra ato am-po
Tena mamy e mamy e !

Ka iza moa no nana-po
Fa hiara-dalana isika roa
Raha fantatro tany ampiandohana
Ianao koa ve nahalala
Hoe isika hifananki-po

Ref :
Ho tetezintsika roa ireo fotoana na mangidy io na mamy e !
Tsy avelatsika roa hisy iray minitra io na iray segondra ho lany e !
Ireo mpanenjika odintsika jamba
Izay mila ady eo ataontsika atamba e !
Ka na inona na inona hitranga
Ny lanitra ho lokointsika manga e !
--------
Rohy:
Hametraka hevitra
Midira aloha
Momba ny hira
Mpihira : Skaiz
Vangy : 638
Mpankafy : 0 Ankafizo
Nampiditra : Tsiory03
Daty : 23/01/2025 13:09
Hihaino

Mbola tsy nisy nampiditra hira

Hampiditra
Tondrom-peo

Mbola tsisy nampiditra tondrom-peo

Hampiditra
© serasera.org 1999 - 2025 - page load 0.2537