Angamba (Salomon)

(Nalaina tao amin'ny tononkira.serasera.org)
Angamba ifaliako ny volana mitranga
An’habakaba-manga
Kanefa mbola tiako ny masonao mijery
Mibanjina ahy irery

Milaza ny fitia (2)
Nanganohano ery (2)

Angamba hafakely ny tsiron-drano an’ala
Madio mangalahala
Fa mamy toa tantely
Ireo molotra manify, mitsiky menafify

Manoroka ahy mangina (2)
Mandroatra fifaliana (2)

Angamba koa ho fatratra, ny kalon’ny antsiva
Manako takariva
Fa mbola tonga lafatra, ny hira nangononina
Nihanta fisamonina

Mitohoka ny sofiko (2)
Ka zary nofinofiko (2)

Izao tontolo izao, mirindra sy voalanto
Fatratra sy kanto
Anefa raha ianao
Monja no tsy ao

Izao tontolo izao no tsoriko ry aina (2)
Fa tany karankaina (2)




Feony: Ramaroson Wilson
Mihira: Salomon sy Olga
--------
Rohy:
Hametraka hevitra
Midira aloha
Momba ny hira
Mpihira : Salomon
Vangy : 4728
Mpankafy : 0 Ankafizo
Nampiditra : hery
Daty : 05/06/2009 16:21
Tondrom-peo

Mbola tsisy nampiditra tondrom-peo

Hampiditra
© serasera.org 1999 - 2024 - page load 0.0372