Hary elatra (Salomon)

(Nalaina tao amin'ny tononkira.serasera.org)
Hary elatra hianao
Ka handao
Hanaraka ilay nofinidy
Tena sarobidy
Tsy iza izany fa ilay vady tiana
Ilay nofinofy kanjo tanteraka ankehitriny

Hary elatra hianao
Hisidina ambony
Hisakambina, hifampitantana amin’ilay tiana
Paradisa ny tany hoy ny saina
Marina izany kanefa koa ndeha holazaina

Maro no mitady hamingana
Mitady handrava ny fanambadiana
Maro ny fakam-panahy nisarika
Hanatona an-drafahoriana
Eo indrindra no ilAna
Hifandaozana an-drafahazazana
Saina matotra sy tony
Fo natolotra ny fony
Olon-droa efa iray mandrakizay

N’inona misakan-dalana
Mitady handrava ka hamaha ’lay tady
Ampiasao ny fitiavana
Sy ny fifampahatokisan’ny mpivady
Tandremonao ny sotasota
Tezera anefa aza manota
Raha sendra resy izy ampio
Tsarovy f’io fitiavana io
Dia mandra-maty ny voadinareo mivady


. Tonony sy feony : Naly Rakotofiringa
. Mpihira : Salomon (i Ludger koa taloha)
. Mpandrindra : Hary - Bessa - Hery - Kiry


http://www.geocities.com/TheTropics/Shores/2640/
--------
Rohy:
Hametraka hevitra
Midira aloha
Momba ny hira
Mpihira : Salomon
Vangy : 10477
Mpankafy : 1 Ankafizo
Nampiditra :
Daty : 27/10/2001 23:10
Tondrom-peo

Mbola tsisy nampiditra tondrom-peo

Hampiditra
© serasera.org 1999 - 2024 - page load 0.1932