Nitady anao (Salomon)

Nitady anao aho
Nitady hatraiza hatraiza
Nijerijery teny ho eny
Nankaiza hianao nankaiza
Ny toerana faleha
Novonjeko noseranina
Tsy teny anefa hianao
Tsy hita notazanina

’Reo havako sy namako
Dia saiky nohafarako
Fa sao mahita anao
Mba hitonona ny anarako
Kanefa aho tsy sahy
Sao ny hetaheta anatiko
No anesoina ahy
Ka zavatra tsy tantiko

Nitady anao aho
Nitady hatraiza hatraiza
Nijerijery teny ho eny
Nankaiza hianao nankaiza

Nitady anao aho
Ary mbola hitady ihany
Na dia efa tsy nahita
Mbola hitady hatrany hatrany
Satria, satria ny fahoriako
Dia miangavy mba hahita
Na ny sary zavozavo
Misy endrika tsy hita

. Tonony : EmeraldA
. Feony : Ramaroson Wilson
. Mpihira : Salomon
. Mpandrindra : Hary - Bessa - Hery - Kiry

http://www.geocities.com/TheTropics/Shores/2640/
--------