HATRAIZA ? (Salomon)

Hatraiza ny fetran’ny antemam-pitiavana
’Zay vao noborahin’ny vava omaly
Hatraiza ny halàlin’ny ngidim-pandavana
Toa manana dindona, sento sy jaly

Hatraiza ny fetran’ny hiran’ny fo
Niarahana nikalo tan-dàlan-kombana
Ireo ’zay nokasaina, tsy vita tsy to
Hatraiza ny fetran’ny fahabangàna

Hatraiza ny fetran’ny rotsim-panahy
Hoe mba hiritsoka mandrakizay
Hatraiza ny fetran’ny fo mahatsiahy
No sento no injao miolomay

Hatraiza ny fetran’ny fiainana an-tany
’Zay fitaka toa mampijaly
Hatraiza ny fetra ny fo mitomany
Ry fanantenana o ! aza ela famaly
--------