IREO FAHAGOLA (Romule)

Nahantona irony valiha, hadino ny kalom-pitia
Lasa haingon-trano tsy fidiny re izy e!
Ny lokanga sy jejo voatavo, mihafihafy sy miazoazo
Natakalo ny an’ny hafa zalahy izy e!

Raha kalokalo ombam-betsovetso no hany mba tadiavinao
Tsy misy anenenana ny an’ny ntaolo ka aoka tsy ho hadinonao e!
Henoy ange izany talahony mandrotsirotsy anao
(Feon-kira)
Eny e!(4fois) Asa izany ry lahy e!

Natory ny hira fahiny, ’reo vakoka tsy misy tsiny
Sento miserana sisa no hany mba re
Ny dihin’ireo fahagola, latsi-tànana arahan’angola
Zara raha misy mitsinjaka re izy e!

Raha kalokalo ...

Nankaiza ny fomba fitafy tena ravaky ny malagasy
Nosoloina ny haingo marevaka re izy e!
Novàna ny fomba fiteny, nafangaro vazaha izy ireny
Zara raha misy tadidy tokoa izy e!

Kanefa tsarovy f’ireo razantsika tsy nianatra fa nanan-tsaina
Nitàna ireo fomba tsy misy tomika, ka tsy azonao ambakambakaina e!
Aoka ry lahy tsy ho lotolotoina ireo lova navelany ho antsika
Sao lahy ho foana ny mahagasy antsika e!
Fa ny taranako ho lasa safiotra e!
Eny e!(12fois) Asa izany ry lahy e!

Tonony sy feony: Romule Rabarivola
Arrangement: Harry
--------