Mila anao (Rija Rasolondraibe)

(Nalaina tao amin'ny tononkira.serasera.org)
Oviana no farany irery tato an-trano aho dia mba nihira ho Anao
Hoe mba niala fomba fanao, fa hitady Anao
Ny farany namaky Baiboly, tsy hoe nitady tonon-kira akory
Fa matin’ny hanoanana noho ny Aminao,
F'efa ela tsy nofahananao

Ref : Mila Anao aho, mila Anao aho Jesosy ô !
         Lasa aiza ny hetahetan’ny fo, fony izaho vao nahalala Anao
         Mila Anao aho, mila Anao aho Jesosy ô !
         Avia dia kasiho aho, vangivangio fa maniry hanakaiky Anao.

Oviana no farany, Nitondra am-bavaka notarihinao aho
Na nitomany fa mbola tsy voavonjy ihany ny havako e !
Ny farany niaiky fahotana,  Na namela na nahazo famelana
Oviana no farany hoe velona tao am-poko ao  ny fitiavanao

Ref : …

Mahatsiaro ho very, Ny fo tafasaraka
Irery tompon-tsafidy ho aho; nefa dia raraka e !
Tsy izany hoy aho no ilaiko eh !
Sao very maina, ny nanoloranao aina
Hamonjena  sakaiza; omena
N’iza n’iza, n’aiza n’aiza eh !
Tsy takatry ny saiko eh !

Ref : (x2)
--------
Rohy:
Hametraka hevitra
Midira aloha
Momba ny hira
Mpihira : Rija Rasolondraibe
Vangy : 9405
Mpankafy : 1 Ankafizo
Nampiditra : kln_rab
Daty : 19/09/2014 22:03
Hihaino

Mbola tsy nisy nampiditra hira

Hampiditra
Tondrom-peo

Mbola tsisy nampiditra tondrom-peo

Hampiditra
© serasera.org 1999 - 2025 - page load 0.3623