Vavaka (Ny Fanilo)

Andriamanitra fitiavana
no mamomba sy mijery re
tohano ny fiainanay
arovy indrindra tompo tia oh!
areheto re ny jiro ao am-po
hanenika ny fonay
tompo tia oh manampia
fa Ianao no Ray Mpiaro.(x2)

Arovy tsy ho lavo re
amin’ireo fakam-panahy
tantano sy tsinjovy koa
fa ianao no tena faniloko.
Mitoera ry jesosy ato am-po
mba ho tompon-trano ao
fa tena sambatra tokoa
ny fo izay itoeranao.

Jesosy eo indreo koa ny havanay
sy ireo malagasy namanay
izay voagejan’i satana
sy ireo karazam-pahotana
Iangaviako Ianao ry Tompo Tsara oh
mba vahao re ny fatorany
fa raha ianao manafaka
ireo rehetra ireo ho afaka.

Tsy izany ihany fa ao koa
ireo olona maneran-tany
izay mbola tsy nandray anao
fa satana no mamatotra azy
Iangaviako Ianao ry Tompo Tsara oh
mba vahao re ny fatorany
Fa raha Ianao manafaka
Ireo rehetra ireo ho afaka
--------