ATAOKO AHOANA (MR Razafy)

Ataoko ahoana ny filaza
Ny ato am-poko manirery
Na dia lavitra aza ianao
Eny n’aia n’aiza izany

Tafasaraka isika
Mahatsiaro tena very
Ny eritreritro mipetraka
Eo anilanao hatrany

N’aiza n’aiza misy ahy
R’ilay nomeko ny fitiavako
Tsy mba tanako ny sento
Ny vetsovetsoko tsy hangina

Voafefin’ny elanelan-tany
Ka takona ny tavako
Ny embonembona tsy maty
No ianao ry olon-tiana

Tsy hohadinoiko ianao
Raha mbola tany koa ny tany
Ny masoandro vao maraina
Afaka hanambara izany

Fa ranomason’olon-tia
No mandena ny takolaka
Raha mamisavisa anao
Amin’ny andro tolatolaka

Tsy hivoana sanatria
Na voakosoka ato an-tsaiko
Ireo teny mamy izay natao
No hany sisa mba hapetraka

Ireo voady nokasaiko
Ny miova tsy mba haiko
Jambanao izato tenako
Toa iharan’ny hetraketraka


Ataoko ahoana ny filaza
Ny ato am-poko manirery
Na dia lavitra aza ianao
Eny n’aia n’aiza izany

Eny n’aiza n’aiza izany .....
--------