MPIVARO-TOAKA (Mpitory)

O! ry mpivaro-toaka e mandeha ve ny tsena
Fanahy firy izao no lasana nivena
O! ry mpivaro-toaka e mitobaka ny harena
Fanahy firy izao no babon’i satana

Ianao angaha mba diso (Ianao ange tsy diso)
Fa izy no adala (f’izy no adala)
Ianao no nampiranty (fa izy tsy nahatanty)
Volany no miala (volany no miala)
Fantatrao mihitsy (fantatrao)
Fa izy anie ho very (tena very)
Fa iniana akimpy (akimpinao)
Ny maso tsy hijery (tsy hijery)
Ny kiaka sy ny jaly (jalijaly)
Odiana tsy henoina (tsy henoina)
Fa ny mampifaly (mampifaly)
Dia ny vola foana
Vola vola foana
O! ry mpivaro-toaka e saino sy hevero
Moa voninahitrao va re raha fenonao ny helo ?

O! ry mpivaro-taoka e! mpanjifa no mitombo
Mivarota foana ny aretina hihombo
O! ry mpivaro-taoka e mikoy ny tontolo
Faly izao ianao mandre savorovoro

Mpivady miady lava (ny tokantrano rava)
Tsy ahoanao (tsy ahoanao)
Zaza noana lava (mitanatana vava)
Tsy andraikitrao (tsy andraikitrao)
Ny jaly hirifiry (hirifiry)
Koloina mba haharitra (mba haharitra)
Kajiana hakadiry (hakadiry)
F’izay no tombom-barotra (tombom-barotra)
Izay mivaro-toaka (varo-toaka)
Tsy ho feno hasambarana (tsy sambatra)
Fa fahoriam-bahoaka (fahoriana)
No sakafo hifaharana (hifaharana)
Sakafo hifaharana

O! ry mpivaro-toaka e saino sy hevero
Tsy afaka miaraka e! ny lanitra sy helo ?
--------