Fanatitra (Mickael Randriambololona)

(Nalaina tao amin'ny tononkira.serasera.org)
Ny rà nalatsakao,
Ho an'izao tontolo izao
Tsy mavaly aho raha fitia!
Fo mivoady hifagia!, iih!

Ny fangitr'ireo rava
Lanjam-bidy tsy voasanda
Velona aho, dia Ianao no maty!
Afo mandoro ao anaty!, iih!

Sorona mandrakizay ny Ainao
Natolotrao mba hamonjenao ahy
Ho nety hijaly notondroina molotra
Nambanina teny, naratra feno fery
Narary, nisolo voina ho ahy
Tsy navelanao ho irery
Nihezaka mba hanadio ireo fahotako
Nosatrohina tsilo, noho ny adalako
Ny tananao mahery, mbola nihazona ahy tsy ho very
Tsy nila tambiny Ianao fa nanaiky ho faty ho anah!
Tsy mba meloka Ianao, nefa voahosom-potaka!!
....
Maona tsy andahatra fa hangina
Niaretanao ireo fahoriana
Kapoaka rakotra sy feno!
Mangidy toy ny afero, ouh!ouh!!!

Nalohanao ireo trosa,
Ho fahasoavana miavosa
Harena tsy ho lany!
Raha mbola tany koa ny tany ih!!

Fanatitra mandrakizay ny Ainao
Natolotrao mba hamonjenao ahy
Ho nety hijaly notondroina molotra
Nambanina teny, naratra feno fery
Narary, nisolo voina ho ahy
Tsy navelanao ho irery
Nihezaka mba hanadio ireo fahotako
Nosatrohina tsilo, noho ny adalako!
Ny tananao mahery, mbola nihazona ahy tsy ho very
Tsy nila tambiny Ianao fa nanaiky ho faty ho anah!
Tsy mba meloka Ianao, nefa voahosom-potaka!!!

Chœur:
Ny Ainao, natolotrao mba hamonjenao ahy
(Ny Ainao, natolotrao mba hamonjenao ahy)
Ho nety hijaly notondroina molotra
(Na..a...)
Nambanina teny,
(...mbanina teny!)
naratra feno fery
Tsy nila tambiny Ianao fa nanaiky ho faty ho anah!
--------
Rohy:
Hametraka hevitra
Midira aloha
Momba ny hira
Mpihira : Mickael Randriambololona
Vangy : 408
Mpankafy : 0 Ankafizo
Nampiditra : christophe17
Daty : 03/02/2023 18:12
Hihaino

Mbola tsy nisy nampiditra hira

Hampiditra
Tondrom-peo

Mbola tsisy nampiditra tondrom-peo

Hampiditra
© serasera.org 1999 - 2024 - page load 0.0717