Modia (Mickael Randriambololona)

Ela tany ianao niriaria
Analavitra ny akany
Niazakazaka niliba
Tsy nihevitra izay hiafarany.
Tsy nahatsiaro niverina
Niaran-doza nampanenina
Rendrarendra sy filàna
Ny fanahinao niatsambo.

Na ny kapa teny an-tongotra tsy hita
Mosa harena sy nagovitra
Niadana hanim-pitoloha
Indrisy lasa mpiandry kisoa.
Tonga ory sy mahantra
Nitafy enatra sy latsa
Niampanampana nitady
Very latsaka any an-kady.

Dieny izao,
Miverena modia
Ry ilay maditra nania
Ny tanany mitsotra ho ana..o!!
Anio,
Aza manary andro intsony
Ho anao ny famindram-pony
Ôh! famindram-pony.

Miantso mafy mitaraina
Ilay Dada maminiaina
Mbola vonona ny handray
Anao zanany efa fay.
Tsy tonga hiantso ny marina,
Fa ny mpanota hibebaka
Mba hanao voady tsy hamerina intsony
Ary anolotra ny fony.

Efa tazany avy lavitra,
Ianao reraka maratra
Rotidrotika ny akanjo
Ho nofy ratsy ireo lasa.
Hafaliana tsy omby tratra,
Ny fiverenanao indray
Fo, fanahy, sy saina vaovao
No handraisany anao.

Dieny izao,
Miverena modia
Ry ilay maditra nania
Ny tanany mitsotra ho ana..o!!
Anio,
Aza manary andro intsony
Ho anao ny famindram-pony
Famindram-po!!

Hey!

Dieny izao!
Miverena modia
Ry ilay maditra nania
Ny tanany mitsotra ho ana..o!!
Anio!
Aza manary andro intsony
Ho anao ny famindram-pony
Ôh! famindram-pony.
--------