Fikiro mafy (KT AMBATOVINAKY)

(Nalaina tao amin'ny tononkira.serasera.org)
Na manonja ny fiainanao na feno fanahiana
Aza kivy na ketraka ianao
Na mavesatra ihany koa ny hazo fijaliana
Ilay Jesosintsika tsy mba mandao
Na dia betsaka olana sy mafy ka torovana
Tsy tantin’ny fo ho aiza moa
Mankanesa aty hoy Jesosy Kristy
Fa izaho hanome fitsaharana
Atanjaho ny finoana fa na inon-kidona
Ilay Jesosy tsy hamela anao irery e!
Aza mba toa Petera f’izy anie ka nianjera
Tao anaty onjan-drano mahery e!
Izy mantsy tsy ampy finoana
ka nisalasala raha sendra olana
Ka ny hafatra apetrako aminao anio
Jesoa no itafio
Mivavaha amin’ny Jesosy ianao
F’Izy ihany no afaka hamonjy anao
Ka fikiro mafy ny tanany matokia
Tiany ianao maminy
Miambena ianao fa ny devoly dia masiaka
Te hitady izay harapany e!
Ka mamitaka anao omeny anao avokoa
Ireo rehetra tadiavin’ny fonao e!
Dia taritiny ianao ka lalan-diso migodàna
No velariny handehananao
Angataho ny fanahy hampahery anao
Hanazava izay mba hizoranao
Atanjaho ny finoana..........
Mifikira amin’ny Jesoa ianao namako o! (Feo 1)
Miorena tsara fikiro Jesoa (Feo 2 sy 3)
Amin’ny Jesoa no apetraho
Ny fanantenanao namako o!
Miorena tsara Jeso no fikiro (Feo 4)
Mafy amin’ny Jesosy Kristy
Ny fanantenanao namako o!
--------
Rohy:
Hametraka hevitra
Midira aloha
Momba ny hira
Mpihira : KT AMBATOVINAKY
Vangy : 14540
Mpankafy : 2 Ankafizo
Nampiditra : aronavalona
Daty : 20/01/2017 08:50
Hihaino

Mbola tsy nisy nampiditra hira

Hampiditra
Tondrom-peo

Mbola tsisy nampiditra tondrom-peo

Hampiditra
© serasera.org 1999 - 2024 - page load 1.7812