Feno azy (Tarika Hasina)

(Nalaina tao amin'ny tononkira.serasera.org)
Aya aya aya aya...

O sinoa sy karana e
Sinoa sy karana no tena mameno tanàna
Tsy fantatra intsony e
Tsy fantatra intsony fa be ireo efa tamana e
Eny Tsaralalàna e
Feno azy e
Hatraty Behoririka
Feno azy e
Asa angamba raha mitohy e
Ho lasany hatrany Ampefiloha e
Asa angamba raha mitohy e
Ho lasany hatrany Ampefiloha e

Hmmm ny Katramy e
Katramy tsisy tany tsy misy karama
O Ratranobongo ô
Ratranobongo voatery tsy maintsy ialana
Eny ambany tetezana
Feno azy e
Rehefa mety ho tsena e
Feno azy e
Asa angamba atsy ho atsy e
Ra-Pedro tsy handray ireo lany vatsy e
Ouh asa angamba atsy ho atsy e
Ra-Pedro tsy handray ireo lany vatsy e

Ireo mpanao pôlitika e
Ireo mpanao pôlitika miandany fa dia misafary e
Tsy hitany intsony e
Tsy hitany intsony ireo kil’ maty mosary e
Fa manao afera e
Feno azy e
Raha raha miady seza e
Feno azy e
Na Ilakaka atsy ho atsy e
Tsy ho avela tandrahan-dRamalagasy e
Ouh na Ilakaka atsy ho atsy e
Tsy ho avela tandrahan-dRamalagasy e
--------
Rohy:
Hametraka hevitra
Midira aloha
Momba ny hira
Mpihira : Tarika Hasina
Vangy : 4708
Mpankafy : 0 Ankafizo
Nampiditra : Bitika
Daty : 12/12/2002 12:22
Tondrom-peo

Mbola tsisy nampiditra tondrom-peo

Hampiditra
© serasera.org 1999 - 2024 - page load 0.0117