Madagasikarako (Erick Manana)

Fa any ambadika any ho any
No misy ilay ankaniko
Lavitra be tsy taka-maso
No misy ilay Gasikarako

Ny tafony lanitra manga
Mifefy ranomasina
Alokalofan’irony ampanga
Ilay tokontany filalaovana

Ho any ianao ka ho any
Meteza re ho afarako
Raha mbola tany koa ny tany
Izy ka tsy hatakaloko

Fa n’inona n’inona hitranga
Na aiza tany hodiaviko
Fa na dia osa sy mahantra
Izy no tanindrazako
--------