Tsy Ferana (Erick Manana)

Misy fitia tsy mety maty
Fa mifikitra ao am-po
Hodian-tsy hita mankarary
Alevina tsy mety ho lo
Totofana vao miha-mitsiry
Ilaozana manangatra
Injao fa re mangirifiry
Rehefa ianao tsy tazana
Salovanao mandindona

Fitiavako anao tsy ferana
Maditra tsy hay lembenana
Mandoro raha kobonina

Ny lalana nizorantsika
Anefa ity tsisy hirika
Fa lalan-tokana izy ity
Mivavahady rindrina
Ny fo mitempo sisa reko
Izy tsy mety mionona
Tsy te-hahalala hoe hatreto
Misy tsy azo hoarana
Mitia tsisy tahotra
--------